Ambasadori amerikan në Shkup Xhes Bejli ka garantuar se SHBA dhe NATO do të jenë mbështetës të fuqishëm të Maqedonisë për t’u anëtarësuar në familjen evropiane dhe në aleancën veri-atlantike, njofton Alsat M.
Bejli si problem kryesor ka përmendur çështjen e zgjidhjes së emrit me Greqinë dhe një sërë detyrimesh të tjera që Maqedonia duhet t’i realizojë për t’u bërë pjesë e strukturave euroatlantike. Sipas Bejlit Maqedonia duhet të punojnë drejt zgjedhjeve të besueshme, të respektojë punën e Prokurorisë speciale, të arrihen reforma në media, me qëllim që vendi të lejë një përshtypje të mirë karshi faktorit ndërkombëtar.