Mbrëmë rreth ores 18.30 si pasojë e një zjarri të fuqishëm u dogjën rreth katër hektar pisha mbi Sllupçan, Komuna e Likovës. Për shkak të terrenit të pakalueshëm, ekipet e zjarrfikësve nuk kanë mundur që të intervenojnë me kohë, njofton Alsat M.
Drejtori I “Pyjeve të Maqedonisë” bëri të ditur se zajrri arriti të shihet rreth ores 22.00, nga intervenimi I pesë të punsuarve në “Pyjet e Maqedonisë”. Saiti tha se edhe gjatë vitit të kaluar mbi Sllupçan janë djegur pyjet me pisha por në lokacionin e kundërt.
Arsyeja e shkaktimit të zjarrit dhe dëmi i shkaktuar ende nuk dihen.