Armët kimike ka të ngjarë të jenë përdorur nga pesë në shtatë sulme të hetuara nga ekspertët e OKB-së në Siri, ku lufta që ka filluar qe dy vite e gjysmë ka lënë të vrarë më shumë se 100,000 njerëz, thuhet në raportin përfundimtar të OKB-së të publikuar të enjten.
Hetuesit thanë se agjenti vdekjeprurës nervor Sarin ka gjasë të jetë përdorur në katër incidente, një rast në shkallë të madhe, transmeton Mesazhi.
“Misioni i Kombeve të Bashkuara arrin në përfundim se armët kimike janë përdorur në mënyrë të vazhdueshme në luftën në Siri”- tha Ake Sellstrom nga ky raport final.
Hetimi ka gjetur përdorimin e mundshëm të armëve kimike në Khan el-Asal, pranë qytetit verior në Alepo në muajin mars, në Saraqeb, pranë qyteti verior në Idlin, prill, dhe në Jobar dhe Ashrafiat Sahnaya , pranë Damaskut , në gusht .
Sellstrom ka dorëzuar raportin të enjten te Ban Ki Moon, i cili tha se përdorimi i armëve kimike është një shkelje e rëndë e ligjit ndërkombëtar dhe një fyerje për njerëzimin, dhe se duhet të jemi vigjilent që këto armë duhet elimunuar jo vetëm në Siri por kudo.