Gjatë konferencës për shtyp në Austri, kapiteni i Kombëtares Lorik Cana theksoi rëndësinë e përfaqësimit në Francë duke bërë të ditur se kuqezinjtë do të tentiojnë gjithmonë diçka të jashtëzakonshme.
“Mendoj se të gjitha skuadrat e kualifikuara gjatë eliminatoreve sigurisht që kanë kualitet dhe forcë dhe në Europian janë për meritë të tyre. Për ne është diçka e veçantë sepse kjo është hera e parë që kualifikohemi në Europian dhe është diçka që e kemi dashur vërtet shumë. Kjo arritje erdhi sepse ne duam përherë të bëjmë diçka të jashtëzakonshme për të përfaqësuar më se miri vendin tonë, kështu që do të shkojmë në Francë me shumë uri dhe shumë dëshirë për të mbajtur lart ngjyrat e kombit tonë”.