Ministrja e Punëve të Brendshme, Gordana Jankullovska dhe kryetarja e komunës Kisella Vodë, Biljana Beliçanec Aleksiq sot e promovuan pilot projektin “Parandalimi i shkeljeve të rendit dhe qetësisë publike në autobusët e transportit urban”.
Prilot-projekti në fazën fillestare do të zbatohet në katër komuna -Kisella Vodë, Sopishtë, Gjorçe Petrov dhe Gazi Babë, ndërsa do të fokusohet më të gjithë nxënësit e shkollave të mesme.
Puna parandaluese me popullatën e mitur, theksoi minsitrja Jankullovska, është në vetë kulmin e prioriteteve të MPB-së.
“MPB në veprimin e vet parandalues çdoherë është udhëhequr edhe nga problemet dhe gjendjet aktuale, por nuk e ka lënë anash edhe angazhimin e planifikuar, të vazhdueshëm dhe të përditshmë në shërbimet policore”, tha Jankullovska, duke përkujtuar segjatë dy-tre viteve të fundit MPB individualisht apo në bashkëpunim me institucione të tjera ka pasur një sërë projektesh konkrete. Ajo informoi se deri më tani lidhur me sjelljen e dhunshme deri më tani janë paraqitur 207 të mitur, prej të cilëve 35 ndiqen penalisht, përderisa 172 moshatarë të tyre kanë marrë paraqitje kundërvajtëse.
Sipas kryetares së komunës Beliçanec-Aleksiq, raporti i partneritetit ndërmjet policisë dhe vetëqeverisjes lokale është çelësi i suksesit për zbulim të hershëm dhe parandalim përkatësisht shkatërrim të krimit dhe dhunës nëpër rrugë.
Mishko Nikollov, drejtor i Ndërmarrjes publike të komunikacionit – Shkup, informon se për gjashtë muajt e parë të këtij viti, pa incidentet e fundit, janë regjistruar 9 sulme ndaj vozitësve dhe 15 incidente, më shpesh rrahje ndërmjet nxënësve të shkollave të mesme. Kjo, nënvizoi, paraqet përkeqësim në raport me vitin e kaluar, kur janë evidentuar tetë sulme ndaj vozitësve dhe 12 rrahje ndërmjet nxënësve të shkollave të mesme.
Ai informoi se NPK – SHkup për 50 autobusë furnizon xhirues për kamera, e sipas të gjitha gjasave, nga fillimi i vitit të ardhshëm tashmë do të instalohen, me çka do t’i ndihmohet MPB-së për t’i identifikuar personat e dhunshëm.
Plotësisht, theksoi Nikollov, janë punësuar katër kontrollues, të cilët prej 1 shtatorit punojnë në linjat 65 dhe 55, si linja më të rrezikshme. Detyra e tyre është t’i parandalojnë incidentet. Drejtori i NPK – Shkup paralajmëroi edhe punësim të 4 deri 6 kontrolluesve të rinj, të cilët do të angazhohen në linjat më të rrezikshme, mes të cilave ato nga komuna Sopishtë, afër shkollave kimike dhe asaj për PTT.