Komuna e Prishtinës nëpërmes një njoftimi për media ka bërë me dije që vendosja e tendave në sheshet “Skënderbeu” dhe “Ibrahim Rugova” ka leje deri më 8 mars.
“Njoftojmë opinionin publik se Komuna e Prishtinës ka lëshuar leje subjekteve politike Lëvizja VETËVENDOSJE!, AAK dhe Nisma që të vendosen me tenda në sheshet “Skënderbeu” dhe “Ibrahim Rugova” nga data 23 shkurt, deri më datën 8 mars”, thuhet në komunikatë të Komunës së Prishtinës, transmeton Koha.net.
Së këndejmi, sipas Komunës së Prishtinës, tendat e vendosura në këto dy sheshe janë aty me leje dhe në mënyrë të ligjshme, si rezultat sipas komunës, heqja e tyre nga Policia e Kosovës po bëhet me veprim të njëanshëm dhe pa asnjë justifikim.