FRODEM e përshëndet dhe e mbështet aksionin e parë të Prokurorisë Speciale dhe vlerëson se Prokuroria me të gjitha elementet ka treguar nivel të lartë të profesionalitetit në aksionin “Titanik”.
“Për fat të keq gjyqësori, ende është bastioni i paprekshëm i regjimit. Praktika dhe statistika tregojnë se gjykata për vepra shumë më të lehta penale ka shqiptuar masa të paraburgimit. Rreziku për ndikim në dëshmitarët e funksionarëve partiak është e madhe. Në këtë drejtim gjykatësit të cilët vendosin për këso lëndë nuk duhet të lejojnë që të jenë të ngatërruar në labirintet partiake për shkak të drejtësisë, gjegjësisht fakteve dhe dëshmitarëve”, shkruhet në kumtesën e partisë FRODEM.