Drita Islami – atlete – nominohet për arritjen e vendit të e shtatë në garën e 400 metrave me pengesa, në Lojërat Evropiane në Baku të Azerbajxhanit. Rezultati i saj në këtë garë, është rekordi shtetëror i Maqedonisë. Nga Federata e Atletikës në Maqedoni u shpall atletja më e mirë në kategorinë e juniorëve.
Izair Emini– futbollist – nominohet sepse është shpallur si golashënuesi më i mirë në ligën e parë të Maqedonisë me 20 gola. Me klubin Renova merr pjesë në Ligën e Evropës. Arritja e tij bën që të ngjallë interes tek klube jashtë vendit. Tashmë është pjesë e skuadërs së Kukësit, e cila luan në Super Ligën e Shqipërisë.
Jasin Rexhallari – mundës – nominohet për shkak se ka fituar disa turne ndërkombëtarë, ka shënuar rezultate të larta në Kampionatin Evropian në Baku, Azerbejxhan dhe Kampionatin botëror për seniorë në Las Vegas, SHBA. Është shpallur sportisti i vitit në Maqedoni nga mediat shqiptare, dhe është në mesin e sportistëve më të mirë nga Qyteti i Shkupit.
Shaban Murtishi – Karatist – Nominohet për arritjet e tij, ku gjatë viti 2015 u shpall kampion shtetëror i Maqedonisë për seniorë, kampion mbarëkombëtar në garat në Tiranë, Vendi i dytë në kampionatin ballkanik si dhe disa vende të tjera të para në gara kombëtare dhe ndërkombëtare të zhvilluara në vendet e rajonit.