Ushtarët izraelit kanë vrarë një të ri palestinez në afërsi të qytetit Ramallah të Bregut Perëndimor me pretendimin se ka hapur zjarr, raporton Anadolu Ageny (AA).
Në deklaratën e ushtrisë izraelite, theksohet se një palestinez ka hapur zjarr në pikën kontrollit në afërsi të vendbanimit hebre Beit El dhe se në ngjarjen janë plagosur 3 izraelit. Njoftohet se i riu palestinez për të cilin pretendohet se ka hapur zjarr është vrarë nga ana e ushtarëve izraelit.
Kolonët hebrenj në muajin gusht të vitit 2015 i vendosën zjarrin shtëpisë së familjes Devabishe në Nablus, ku si pasojë e ngjarjes humbi jetën nëna, babai dhe foshnja 8 muajsh, ndërsa fëmija tjetër 4 vjeçar arriti të shpëtonte.
Tensioni i cili filloi me ngjarjen në fjalë, me bastisjet ndaj xhamisë Al-Aksa janë rritur dhe përshkallëzuar në mënyrë të vazhdueshme. Që nga fillimi i muajit tetor, me demonstratat në rajone të ndryshme të Gazës dhe Bregut Perëndimor përleshjet kanë arritur përmasa serioze dhe janë vrarë dhe janë plagosur shumë palestinezë.