Kompania ‘’Resurset energjetike të Maqedonisë’’ ka hapur tender për ndërtimin e gazsjellësit magjistral Shkup – Tetovë – Gostivar, që duhet të gazifikoj pollogun deri në vitin 2019, njofton Telegrafi.
Sipas të dhënave në tender, kostoja e projektit është 2 milion denarë, kurse paratë janë siguruar nga kredia e ‘’Deutsche Bank’’ dhe ‘’Erste Group’’. Afati i paraqitjes së ofertave është 10 marsi, kur do të bëhet edhe hapja publike e tyre.
Sipas të dhënave të ‘’Faktor’’, faza e parë e projektit përfshin gasifikimin deri në Tetovë dhe Gostivar, kurse gjatësia arrin 76 km. Ndërkaq, vitin e kaluar Qeveria ka siguruar 90 milion Euro për instalimin e plot 204 km rrjet gazsjellësi.