Një delegacion i Institutit për Administratë Publike, për Republikën e Turqisë dhe Lindjen e Mesme, e vizitoi Universitetin Shtetëror të Tetovës.
Ky delegacion, në përbërje nga drejtori i Institutit, Onur Ender ASLLAN, Asli AKAY dhe Burak TANGOR, të shoqëruar edhe nga Sekretari shtetëror në Ministrinë për Shoqëri Informatike dhe Administratë të Maqedonisë, Jahi Jahiu, realizuan një takim miqësor me Prorektorin për Arsim të USHT-së, Reshat Qahili, i cili ishte i shoqëruar nga Sekretari i përgjithshëm i Universitetit, Adem Beadini, udhëheqësja e Zyrës për Bashkëpunim Ndërkombëtar, Hatibe Dehari dhe shefi i Kabinetit të Rektorit të USHT-së, Faton Shabani.
Gjatë këtij takimi u shqyrtuan mundësitë për bashkëpunim mes dy institucioneve, si: trajnime të ndryshme për stafin akademik, lëmin e shkencave politike dhe administratës publike, si dhe shkëmbimin e stafit akademik.
Po ashtu, palët diskutuan edhe mundësinë për bursa për studentët e magjistraturës dhe të doktoratës, dhe bursa për kërkime shkencore për stafin akademik të Universitetit.