Qendra e Skijimit “Kodra e Diellit”, prej mbrëmë filloi me skijime të natës në teleferikun “Teteks 1” dhe “Teteks 2” nga ora 19 deri në orën 22.
Këtë siç informojnë nga “ELEM Turs” e mundësoi bora e re që tani arrin deri në 40 centimetra.
Nga atje informojnë se çmimet për skijime të natës janë të njëjta si vitin e kaluar, ndërsa përdoruesit e biletave sezonale nuk duhet të blejnë bileta të veçanta, pasi janë të vlefshme edhe për skijime të natës.