Dy lojtarët Arda Turan dhe Aleix Vidal do të mund të debutojnë për Barcelonën sonte pasi kampionit aktual spanjoll i skadoi ndalesa njëvjeçare e sjelljes së lojtarëve.
“Që të dy do të luajnë të mërkurën. Nuk e di sa minuta do të luajnë, por do të mbajnë fanellën e Barcelonës”, tha trajneri Luis Enrique.
Turan dhe Vidal do të luajnë në kuadër të Kupit të Mbretit, ku Barcelona luan kundër Espanyol-it.
Kujtojmë se FIFA vitin e kaluar i ndaloi Barcelonës që të sjellë lojtarë të rinj për shkak të shkeljes së rregullave.