Kryeministri indian Narendra Modi ka aterruar në Pakistan në një vizitë të papritur gjatë së cilës pritet të takohet me homologun e tij pakistanez Naëaz Sharif.
Modi ishte duke u kthyer në Indi nga Afganistani, kur u ndal në qytetin lindor të Lahores.
Ai me këtë rast bëhet kryeministri i parë indian që e viziton Pakistanin që nga viti 2004.
Tensionet mes dy fqinjëve ishin të larta në vitet e fundit, por marrëdhëniet mes tyre së fundmi kanë filluar të përmirësohen.
Të dyja vendet kanë luftuar në tri luftëra që nga pavarësia e tyre nga Britania në vitin 1947, dy prej të cilave u bën për Kashmirin..
Territori i Kashmirit pretendohet nga të dyja vendet dhe ka qenë një pikë e nxehtë mes tyre për më shumë se 60 vjet.
Një armëpushim mes Indisë e Pakistanit u arrit në vitin 2003 por fqinjët shpesh akuzojnë njëra-tjetrën për shkelje të tij, raporton BBC, përcjellë Klan Kosova.