SHBA: Kushtetuesja sqaroi, Asociacioni sipas marrëveshjes së Brukselit

Ambasada e Shteteve të Bashkuara të Amerikës në Prishtinë ka kërkuar nga të gjitha palët politike që të respektojnë vendimin e Gjykatës Kushtetuese për Asociacionin e komunave me shumicë serbe.

“Ne u bëjmë thirrje të gjitha palëve që ta respektojnë vendimin e Gjykatës Kushtetuese. Ne konstatojmë se Gjykata në mënyrë të qartë thotë se Asociacioni /Bashkësia e komunave me shumicë serbe duhet të krijohet siç parashikohet nga marrëveshja e Brukselit dhe jep udhëzime për të siguruar se ajo është bërë mbështetur në Kushtetutën dhe ligjet e Kosovës”, ka theksuar SHBA.