Juve ka filluar ta tregojë fytyrën prej kampioni dhe po ndryshon nga ndeshja në ndeshje. Në ajvën e 16 në Serie A ka mposhtur 3:1 Fiorentinën për ta rrëmbyer pozitën e katërt me 30 pikë, një më shumë se Roma.
Të parët në epërsi kaluan Fiorentina, ishte Josip Ilicic që shënoi nga pika e bardh në minutën e tretë, derisa Juve barazoi gjithçka pas tre minutave përmes Jan Cuadrado, për rezultatin 1:1 të pjesë së parë.
Në pjesën e dytë, Allegri kishte motivuar në maksimum lojtarët, të cilët shënuan dy gola pas minutës së 80’të. Fillimisht Mandzukic shënoi për 2:1 para se Paolo Dybala t’i qoi shifrat në 3:1 për t’i marr tri pikë shumë të rëndësishme që e pozicionojnë në vendin e katërt në tabelë.
