Adele thyen të gjitha rekordet

Të gjithë po prisnin një shitje rekord të albumit të këngëtares britanike, Adele, por askush nuk kishte parashikuar shifrën. Bëhet fjalë për 2.38 milionë kopje të shituara vetëm në Shtetet e Bashkuara.

Deri tani kjo konsiderohet si shifra rekord e shitjeve të një albumi në javën e parë të publikimit.

Përpara Adele këtë rekord, në Shtetet e Bashkuara e mbante grupi i djemve “NSYNC”.

Rekordin Adele e ka thyer edhe në Britaninë e Madhe, ku ka thyer çdo rekord shitjeje në javën e parë, ku numërohen 800 mijë kopje të shitura.

Kënga e saj “Hello” nga Albumi “25” kryeson në shumë vende vende të botës, madje edhe në Kirgizstan, Niger apo Burkina Faso.

Edhe në fqinjin tonë Itali, kënga e saj “Hello” është kryesuese..

“The Guardian” shkruan se 27- vjeçarja është një thesar. Adele, që u rrit në zonat më të varfra të Londrës vetëm nga e ëma, është eksporti më i madh kulturor i Britanisë së Madhe, prej epokës së Bitëllsave.