Një person vdiq dhe katër u plagosën rëndë në një aksident trafiku që ka ndodhur mbrëmë vonë, rreth orës 1 pas mesnate, në Kumanovë.
Siç njofton Ministria e Brendshme, deri tek aksidenti ka ardhur si pasojë kur një makinë “Subaru”, drejtuar nga Robi P. (1975), doli nga rruga dhe u përplas me një mur betoni. Kështu R.P vdiq në vend.
Lëndime të rënda morën edhe pasagjerët C.V. (1975), M.M. (1976) I.T. (1987) dhe I.B. (1984). Dy të parët u mbajtën në Spitalin e Përgjithshëm të Kumanovës, ndërsa të tjerët janë dërguar në Qendrën Emergjente në Shkup.