Presidenti Gjorgje Ivanov, pas takimit me ambasadorin Aivo Orav, ka theksuar se raporti i Këshillit Evropian për Maqedoninë jep një fotografi reale të asaj që është punuar dhe të arriturave të shtetit .
Ambasadori i BE-së, në Maqedoni, Orav gjatë takimit i ka dorëzuar presidentit Ivanov, raportin për progresin e shtetit për vitin 2013, përgatitur nga Komisioni Evropian.
Gjirgje Ivanov, është shprehur i kënaqur me rekomandimin për fillimin e bisedimeve për anëtarësim në BE. Ivanov përsëriti se proceset reformuese qëndrojnë lartë në agjendën e Maqedonisë dhe shpreson se në Këshillin e Evropës, anëtaret e Unionit Evropian do të tregojnë vendosmëri.
“Është koha e fundit që Maqedonia të vazhdojë me proceset integruese, është koha e fundit që Maqedonisë t’i mundësohet ecje paralele. Gjendja e “status kuos”, askujt nuk i sjell asgjë. Nuk ka impuls më të fuqishëm për reformat dhe për tejkalimin e dobësive se sa fillimi i bisedimeve për anëtarësim”, ka porositur kryetari i shtetit Ivanov, euro ambasadorin Aivo Orav.
Orav, shpreson se proceset reformuese në vend do të vazhdojnë dhe se Maqedonia sa më shpejt të fillojë bisedimet për anëtarësim.