Mediet shtetërore kineze kanë raportuar se policia ka vrarë 28 të dyshuar si “terroristë” gjatë një sulmi në një minierë qymyri, ku u vranë të paktën pesë policë në rajonin Xinjiang.
Rajon i banuar nga komuniteti Ujgurë, që janë banorë kryesisht myslimanë, të etnisë turke.
Portali i qeverisë Xinjiang ka raportuar se të dyshuarit u vranë gjatë një kërkimi që zgjati 56-ditë, pas sulmit të parë të kryer me 18 shtator, ku ishin vrarë 11 civilë dhe pesë policë, duke u therur me thikë.
“Pas 56 ditëve të luftimeve të vazhdueshme, Xinjiang shkatërroi një bandë të dhunshme terroriste direkt nën komandën e një grupi ekstremist të huaj,” ka njoftuar qeveria.
“Përveç një person i cili është dorëzuar, 28 persona të tjerë janë vrarë.”
Një gazetë lokale ka thënë se dy persona të cilët kishin emra ujgurë, ishin udhëheqësit e një grupi të huaj, të cilët besohet si ishin organizatorët e këtij sulmi.
Tensionet mes Ujgurëve myslimanë dhe kinezëve Han që jetojnë në Xinjiang, shpeshherë kanë qenë të dhunshme, duke lënë me qindra persona të vrarë.