Shqiponja nga Gjakova ka luajtur si macja me miun si mysafir me ekipin hendbollistik maqedonas, Pelisterin nga Manastiri, duke e deklasuar me rezultat 38:22 (21:11), në ndeshjen e xhiros së tretë të Challenge Cup (kupa evropiane) në konkurrencën e femrave.
Kapitenja e Shqiponjës, Valerina Malaj ka rrëfyer për gazetën kombëtare “Bota sot” se janë ofenduar rëndë nga tifozët maqedonas. Cila ka qenë pritja e skuadrës vendase? “Kryesia e klubit na ka pritur shumë mirë, ndërsa shikuesit në disa çaste na kanë ofenduar rëndë. Ata kanë brohoritur Kosova është zemra e Serbisë, kemi me iu pre, i ngritshin lart gishtat. Kur ka përfunduar ndeshja kemi duartrokitur nga shikuesit, por ata na ofenduan”, ka folur Malaj.