Po shkon në 150 numri i të vdekurve gjatë mbrëmjes së të premtes në Paris, pasi një xhihadist hodhi vetën në erë gjatë një koncerti kurse një terrorist hapi zjarr me Kallashnikov në një restorant, njofton Daily Mail.
Kjo gjë ka bllokuar kryeqytetin Francez kurse 200 persona të tjerë raportohet të jenë shtruar në spitalet e Francës, 80 prej të cilëve janë në rrezik për jetën.
Hetuesit thanë se të paktën tetë nga sulmuesit ishin të vdekur pas përfundimit të sulmit, ku katër prej tyre u vranë në sallën e koncertit, tre duke aktivizuar pajisjet e tyre vetëvrasëse kurse njëri u vra nga policia.
Vetëm pesë milje më larg, sulmuesit me bombat vetëvrasëse, hodhën vetën në erë, afër stadiumit të futbollit ku luhej ndeshja e Francës me Gjermaninë kurse një tjetër vdiq në rrugë. Një sulmues i armatosur besohet të jetë akoma në arrati.
Ky konsiderohet sulmi më i përgjakshëm në Evropë pas sulmit me bomba në Madrid në vitin 2004 ku hodhën edhe vetën në erë shtatë nga sulmuesit.
