Në një qendër të largët pritjeje për azilkërkuesit në Australi ka patur trazira të dhunshme. Sipas “BBC”-së, me refugjatët e egërsuar thuhet të kenë bashkuar forcat edhe neozelandezët me viza të anuluara.
Refugjatët kanë shqyer gardhin rrethues e u kanë vënë flakën disa ambienteve të qendrës në ishullin e krishtlindjeve. Thuhet se, pas vdekjes së një emigranti, të ngriturit në protestë kanë marrë kontrollin e kompleksit, ndërsa rojet e sigurisë ia mbathën.
Zyrtarët shpjegojnë se, për aq sa janë ata në dijeni, nga incidenti nuk ka të lënduar, ndërsa kufizohen të konfirmojnë se në ishullin e krishtlindjeve ka pasur “rrëmuja”. Ata shtojnë se po punohet për zgjidhjen e situatës, pa dhënë sidoqoftë detaje të mëtejshme.
Sipas radios “Zelanda e Re”, shpërthimi i këtyre trazirave nga emigrantët ishte gjetja e trupit të pajetë të një azilkërkuesi iraniano-kurd, i identifikuar nga shtypi australian si Fazel Chegeni.
Ndërkohë, një numër i madh neozelandezësh janë deportuar në ishull pas vendimit të fundit të Kanberrës për rishikimin e vizave të të gjithë personave me precedentë penalë, transmeton Shekulli.