Kalina Maleska, Adem Abdullahu, Julijana Veliçkovska, Jovica Iliq dhe Eroll Tufan janë anëtarë të rinj të Shoqatës së shkrimtarëve të Maqedonisë. Këtë vendim e solli Kryesia e SHSHM-së me propozim të komisionit për pranim të anëtarëve të rinj në përbërje: Koço Topuzoski (kryetar), Resul Shabani dhe Borçe Panov, njofton MIA.
Me këtë Shoqata e Shkrimtarëve të Maqedonisë vazhdon ta rinojë përbërjen e vet. Disa viteve të fundit, anëtarë të SHSHM-së u bënë disa autorë, pjesëtarë të gjeneratave më të reja, mes të cilëve Zharko Kujunxhiski, Dejan Trajkoski, Elena Prenxhova, Atanas Çuposki, Filip Kletnikov, Delvina Kërluku, Marina Mijakovska, Rifat Emin, marta Markovska,. Ivan Antonovski, Igor Krajçev, Nikolla Ilijovski, Milica Pashoska, Stefan markovski, Aleksandra Velinova dhe Davor Stojanovski.
Shoqata e Shkrimtarëve të Maqedonisë është asociacion i artistëve me traditë më të gjatë dhe më të pasur në vend. SHSHM është formuar në vitin 1947 dhe deri më tnai në të bëjnë pjesë 520 shkrimtarë nga të gjitha gjeneratat, opuset krijuese të të cilëve realizohen në fushën e poezisë, romanit,, rrëfimit, dramës, kritikës, eseistikës, shkencës letrare dhe letërsisë për fëmijë. Prej vitit 2003 SHSHM është anëtare e Asociacionit evropian të shkrimtarëve.