Shoqata “Ka Ardhmëri”, ka mbajtur seancë të rregullt me Bordin Ekzekutues në të cilën është rishikuar dhe diskutuar gjendja e tanishme politike në Maqedoni, njofton Portalb.
Ka Ardhmëri”, plotësisht e përkrahë procesin politik i cili ka filluar me nënshkrimin e Marrëveshjes së Përzhinos, në të cilin aktorët kryesor janë katër partitë politike, njëkohësisht bën apel që sa më shpejtë të dilet nga kriza.
“Për Shoqatën dhe anëtarët e Shoqatës sonë, të gjitha përpjekjet për bllokim ose opstruim të kësaj marrëveshje politike janë, përpjekje për t’i ikur përgjegjësisë dhe për ta ndaluar zhvillim e ardhshëm demokratik në Maqedoni si shtet kandidat për integrim në BE dhe NATO. U bëjmë thirrje të gjithë aktorëve politik që janë të kyçur në këtë proces, t’u përmbahen principeve të marrëveshjes dhe nëpërmjet saj t’i tregojnë përpjekjen e tyre. Duke pasur parasysh se në këtë marrëveshje, aktorët kryesorë janë katër partitë politike, atëherë këto bashkë e mbajnë përgjegjësinë për ardhmërinë e Maqedonisë”, thuhet në deklaratën e Shoqatës “Ka Ardhmëri”, njofton Portalb.