Zyrtarë të lartë gjermanë do të takohen sot me homologët e tyre amerikane në Shtëpinë e Bardhë, për të biseduar rreth raportimeve për përgjime.
Takimi pritet të fokusohet ne raportimet e medieve për përgjimin e telefonit mobil të kancelares Merkel, nga ana e shërbimeve sekrete amerikane, njofton DPA.
Në një telefonatë të shkurtër gjatë javës së kaluar, për këtë çështje kanë diskutuar edhe presidenti amerikan Barack Obama dhe kancelarja gjermane Angela Merkel.