Sekretari i Përgjithshëm i NATO-s, Jens Stoltenberg, tha se NATO është e gatshme të mbrojë kundër çdo kërcënimi të gjithë anëtarët e saj duke përfshirë edhe Turqinë, raporton Anadolu Agency (AA).
Stoltenberg, ka folur për gazetarët para takimit të ministrave të mbrojtjes të NATO-s i cili mbahet në Bruksel.
Jens Stoltenberg, tha se: “NATO është e gatshme të mbrojë shtetet aleate nga çdo kërcënimi. Edhe Turqia është një prej këtyre vendeve”.
Sekretari i Përgjithshëm i NATO-s, Jens Stoltenberg, ka theksuar ndër të tjera se “kanë shqetësime” në lidhje me aktet e Rusisë në Siri.
Mësohet se në takimin e ministrave të Mbrojtjes së NATO-s do të diskutohet kriza në Siri dhe sulmet e Rusisë.
Ministria e Mbrojtjes së Rusisë kishte pretenduar më parë se shkelja e hapësirës ajrore turke nga avionët rusë me 3 tetor ka qenë për shkak të “kushteve të këqija të motit”. Ndërsa Sekretari i Përgjithshëm i NATO-s, Jens Stoltenberg, në deklaratën e tij të mëparshme kishte thënë se për shkak të kohës së gjatë të shkeljes së hapësirës turke nga Rusia kjo shkelje “nuk dukej si aksidentale”.