Komandanti i FNSH-së së Shkodrës Simon Gjeta është vrarë me armë zjarri gjatë aksionit për kapjen e një të kërkuari që plagosi me armë 21-vjeçarin Besar Sherbela në Oblikë të Shkodrës rreth orës 19:00 të së shtunës.
Autor i ngjarjes së rëndë është Ruzhdi Aishta, i cili shkëmbeu zjarr me policinë gjatë ndjekjes nga uniformat blu.
Gjatë përleshjes me armë, komandanti i FNSH Simon Gjeta u qëllua me plumb në kokë. Aktualisht autori po mbahet i rrethuar nga efektivët pranë banesës së tij dhe nuk pranon që të dorëzohet. Në Shkodër mbërritën edhe forcat speciale të RENEA-s si dhe drejtuesit e Policisë së Shtetit Haki Çako, Ardian Çipa dhe Altin Qato.