Mark Zuckerberg i ka premtuar Kancelares së Gjermanisë Angela Merkel se do të kujdeset për masat kundër gjuhës së urrejtjes në Facebook. “Unë mendoj se ne duhet të punojmë për këtë çështje”, i tha Zuckerberg Merkelit në një darkë të përbashkët e cila u dha me rastin e Samitit të OKB-së.
Biseda në mes të dyve mundi të dëgjohet hapur në mikrofon i cili mesa duket ishte i hapur në Livestream të OKB-së.
Tashmë në mes të shtatorit, Ministri i Drejtësisë Heiko Maas (SPD) kishte takuar me përfaqësuesit e Facebook në Berlin. Maas kishte kërkuar nga Facebook të punonte në këtë drejtim pasi përdoruesit kishin botuar parulla çnjerëzore dhe ekstremiste kundër refugjatëve në rrjetin social.