Energous Corporation ka dalë me një teknologji të re të quajtur ‘WattUp’, një mbushës me wireless për pajisje teknologjike që së shpejti do t’i mbushë celularët dhe bateritë e tjera duke përdorur radio valët, transmeton lajmi.net.
Në këtë teknologji, routeri i quajtur WattUpp – i cili transmeton këto lloje valësh, do të mund të vendoset në një dhomë, zyre apo ku të dëshironi ju, dhe duke përdorur valët e tij – energjia që del nga transmetuesit e tij, do të mundësohet që bateritë e celularëve të mbushen përderisa ju lëvizni, punoni apo thjeshtë qëndroni.
Kështu, bateria juaj do të jetë gjithmonë me energji përderisa të jetë i aktivizuar ky router, pasi që valët do të mbushin baterinë gjatë gjithë kohës duke mos e lënë fare që të zbrazet.
Sipas Energous, kjo teknologji do të arrijë tek përdoruesit gjatë vitit të ardhshëm.