Forcat e sigurisë së Egjiptit kanë vrarë të premten nëntë anëtarë të Vëllazërisë Muslimane në jug të Kajros, informacion ky që është përcjellë nga një pjesëtar i sigurisë, raporton Anadolu Agency (AA).
Nëntë anëtarët e Vëllazërisë Muslimane, ka thënë burimi “u vranë në përleshje të armatosur me forcat e sigurisë gjatë bastisjes së një shtëpie në qytetin Aussem”.
Sipas burimit, gjatë bastisjes është janë gjetur armë dhe municion.
Vëllazëria Muslimane nga ana e saj, pritet të bëjë një deklaratë lidhur me këto pretendime, ndërsa as autoritetet e Egjiptit nuk kanë konfirmuar informacionin.
Javën e kaluar, “Monitoruesi I të Drejtave të Njeriut”, i vendosur në Londër, tha se muajin e kaluar në Egjipt, pa procedurë legale gjyqësore janë vrarë 79 civilë.
Egjipti është kapluar nga trazirat që nga koha kur ushtria me anë të një puçi rrëzoi Muhamed Mursin, presidentin e parë të zgjedhur me zgjedhje të lira, në vitin 2013-të.
Që nga ajo kohë, forcat e sigurisë kanë filluar një fushatë të ashpër të përndjekjes të përkrahësve të tij dhe anëtarëve të Vëllazërisë Muslimane, duke vrarë qindra dhe burgosur mijëra njerëz.