Pretendimet dhe paralajmërimet duke mos u bazuar në fakte, janë shkelje e etikës gazetareske. Titulli, çdoherë duhet të informojë lexuesin për përmbajtjen e tekstit, por me titull nuk guxon të manipulohet. Teksti që po recensojmë, manipulon lexuesit duke i paralajmëruar rrejshëm ata.
Mbi gjashtë orë është duke zgjatur seanca e sotme e Gjykatës së Apelit ku po shqyrtohet ankesa e mbrojtjes ndaj vendimit të Gjykatës Themelore për dënimin e gjashtë shqiptarëve me burg të përjetshëm, nën akuzën se kanë kryer vrasjen e pesëfishtë te Liqeni i Smilkovës.
Në paragrafin në vijim përmenden avokatët mbrojtës, por që askush nga mbrojtja nuk thotë se të dënuarit do të lirohen.
Mirëpo ende nuk ka asnjë indikacion se çfarë vendimi do të sjellë Gjykata e Apelit dhe nëse vendimi do të sillet sot. Avokatiet paten paralajmeruar qe moti se ne rast se nuk perzihet politika, gjykata sot duhet te liroje te denuarit nga burgu, raporton “Lajm”.
Data dhe koha e publikimit: 11.09.2015
Data e recensionit: 13.09.2015
Recensues: Adrian Kerimi
Në rastin “Monstra” me burg të përjetshëm janë dënuar Halil Demiri, vëllezërit Afrim dhe Agim Ismailoviq, Fejzi Haziri, Haki Haziri dhe Sami Luta, nën akuzën se kanë kryer vrasjen e pesëfishtë që ndodhi më 12 prill të vitit 2012, afër liqenit të Smilkovcit. Ata janë dënuar për veprën më të rëndë, “terrorizëm”.
Në këtë paragraf citohen analistë dhe komentues, por qëndrimi i tyre mungon në këtë artikull.
Seanca e Gjykatës së Apelit ku duhet të shqyrtohet ankesa e mbrojtjes ndaj vendimit të Gjykatës Themelore duhej të mbahej në qershor, por u shty për 11 shtator. Vetë caktimi i datës për mbajtjen e kësaj seance, që përkon me 14 vjetorin e sulmeve terroriste në Nju Jork, ka shty shumë analistë të dyshojnë se gjykata simbolikisht po aludon se gjashtë shqiptarët e dënuar janë fajtorë për terrorizëm.
Tekstit i është bashkëngjitur një prononcim i mëhershëm i liderit të përfolur në këtë artikull, por gazetari jo që nuk ka kërkuar qëndrim të ri, por as edhe për qëndrimin e vjetër nuk jep detaje nga e ka siguruar si dhe që është i mëhershëm.
“Mund të ketë edhe viktima. Andaj jemi duke zhvilluar bisedime intensive me bashkësinë shqiptare që të gjejmë mënyrë t’i shmangim reagimet e këtilla. Doemos duhet të jemi shumë të kujdesshëm ndaj të vërtetës”.
Teksti nuk është i rregulluar në aspektin stilistik, gjë që e bën të vështirë lexueshmërinë e tij. Gjithashtu aspekti multimedial është kontestues. Fotografia e mbivendosur është e vjetër, ndërsa edhe si e tillë në tekst, nuk citohet se vepër e kujt është. Tekstit i mungon edhe informacioni shtesë.