Kryetarët e bashkive të Parisit, Barcelonës, Lesbos dhe Lampeduzas i kanë bërë thirrje qeverive të Europës për të dhënë më shumë ndihmë ndaj refugjatëve, raporton Anadolu Agency (AA).
Kryetarët e bashkive në një artikull të përbashkët në gazetën spanjolle “El Pais” kanë theksuar se shtetet e Europës duhet të rrisin ndihmat e tyre duke patur parasysh nevojat e qyteteve.
Në artikull theksohet se “Qytetet e Europës janë të gatshëm për të përballuar refugjatët. Shtetet japin statusin e azilantit por ato që i strehojnë janë qytetet. Njësitë tona bashkiake do të mundësojnë nevojat e ushqimit dhe të strehimit për ato që janë larguar për shkak të luftës dhe të urisë dhe gjithashtu do të sigurojnë edhe dinjitetin e tyre. Mos iu ktheni shpinën qyteteve. Ajo që është e nevojshme është ndihma e qeverive”.
Sipas të dhënave të Organizatës Ndërkombëtare për Migracionin këtë vit mbi 360 mijë refugjatë kanë mbërritur në Itali dhe në Europë duke kaluar përmes Mesdheut.