Poetja tetovare Sadije Aliti prezentoi poezinë shqipe dhe përfaqësoi Maqedoninë në Manifestimin ndërkombëtar Ditët e artit dhe kulturës në Tokat të Turqisë.
Me një pjesëmarrje të artistëve nga disa shtete si: Azerbejxhani, Irani, Gjorgjia, Rusia, Qiproja, Uzbekistani, Kazakistani, Greqia, Maqedonia dhe shumë krijues nga Turqia. Artistët pjesëmarës u pritën dhe u nderun nga nga autoritetet më të larta vendore, nga kryetari I Bashkisë së Tokatit Ejup Errollu, nga valia I Tokatit Xhevdet Xhan dhe përfaëques të tjerë të kulturës në këtë vend.
”Ishte një nder i veçantë pjesëmarrja në këtë aktivitet të rëndësishëm letrat e artistik ndërkombëtar, pikërisht në Tokat, për të preznetuar poezinë shqipe në një manifestim të njohur, kultura çdo herë ka bashkuar krijues nga popuj e shtete të ndryshme për të krijuar ura paqeje e njohje mes shteteve e popujve. Edhe kë saj here komunikuam me vargun poetik, ishte një manifestim artistik për mbretëreshën e letërsisë, poezinë, një organizim I shkëlqyer dhe një pritje tejet e ngrohtë miqësore, që e karakterizoi këtë festival artistik”- u shpreh Sadije Aliti, pjesëmarrëse në festival.
Veprimtaria kulturore e mbajtur këtë vit në moton “Turqia është në botë e Tokati është në Turqi” tuboi artistë e krijues nga vende të ndryshme e kontinente për të krijuar miqësi e lidhje të reja bashkëpunimi.
