Sulmohet me përzierje molotov ndërtesa e cila ishte përgatitur për akomodimin e përkohshëm të azilantëve në Leipzig të Gjermanisë, raporton Anadolu Agency (AA).
Sipas dëshmitarëve okularë theksohet se në ngjarjen e ndodhur në mesnatë një person i maskuar ka hedhur një lëndë përzierje molotov në ndërtesë ku si pasojë një dhomë e ndërtesës ka marrë flakë.
Policia ka theksuar se ekipet e zjarrfikësese kanë ardhur menjëherë në vendin e ngjarjes dhe kanë marrë situatën nën kontroll dhe gjithashtu kanë njoftuar se në ndërtesë ka vetëm dëme materiale për arsyen se në të nuk banonte njeri.
Theksohet se në ndërtesën e sapo përfundur ishte planifikuar të vendoseshin 56 azilantë.
Sulmet ndaj tre ndërtesave të përgatitura për azilantët në javët e fundit kanë shkaktuar shqetësime në Gjermani. Presidenti gjerman Joachim Gauck dhe Kancelarja gjermane Angela Merkel në ditët e fundit kanë vizituar vendet strehimore për azilantët për të mbështetur refugjatët dhe për ti shprehur opinionit publik se azilantët nuk janë rëndesë për Gjermaninë.