Shqipëria ndodhet në vendin e 9-të në botë për çmimin e lartë të naftës. Ndërsa Kosova edhe pse një shtet i ri, ndodhet shumë larg nesh në vendin e 27. Dy vendet të varfra që në fakt paguajmë më shumë se shumica e vendeve të pasura për 1 litër benzinë apo naftë.
Shifrat janë bërë publike i përkasin muajit gusht dhe përfshijnë të gjitha vendet e Europës dhe disa prej vendeve kryesore të botë.
Në renditje para Shqipërisë gjenden vende si Britania e Madhe, Norvegjia, Zvicra, Danimarka dhe Italia, vende të cilat i kanë të ardhurat për frymë disa herë më të mëdha se në vendin tonë.
Ne kemi lënë pas vende si Suedia, Holanda, Franca, Belgjika, Austria etj.