Shenja përmirësimi të gjendjes shëndetësore të një pjese të banorëve të Reçicës së Vogël, edhe pse sipas tyre, nëse Komuna nuk përshpejton procesin e pastrimit të mbeturinave, epidemitë mbeten evidente.
Pas dezinfektimit të shtëpive dhe oborreve të tyre nga Instituti i Shëndetit Publik, të cilët po ashtu kanë shpërndarë edhe medikamente për fëmijët dhe të moshuarit që shfaqën simptoma sëmundjesh në lëkurë, sot gjendja në mes të banorëve ishte më e qetë.
Megjithatë, ata kërkuan dezinfektim të shpeshtë të oborreve, deri në largimin e mbeturinave, transmeton Alsat-M. Banorët po përpiqen t’i pastrojnë ato në mënyrë private, por duke u vënë gjithnjë në ballë të rrezikut për infektim. Procesi i pastrimit dhe dezinfektimit bëhet akoma më i vështirë në këtë fshat, për shkak edhe të ujit të ndotur i cili nuk mund të përdoret as për pastrim.