Fëmija i parë lind me koeficient inteligjence (IQ) më të lartë se ata që lindin më pas. Megjithatë, ndonëse fëmijët e parë janë teknikisht më të zgjuar, diferenca nuk është shumë e madhe, por vetëm 1 pikë më shumë IQ.
Të dhënat vijnë nga shkencëtarët e Universitetit të Illinois, të cilët studiuan 377 mijë gjimnazistë në mënyrë që, të analizonin sesi kronologjia në familje ndikon tek jeta e njeriut, transmeton Klan K.
Përfundimet u publikuan në revistën “Journal of Research in Personality”. Studimi tregoi gjithashtu se fëmijët e parë, kanë tendencën për të qenë më të shoqërueshëm, më socialë dhe më të ndërgjegjshëm.
Ata janë gjithashtu më të prirur për të vuajtur nga ankthi, në krahasim me vëllezërit e motrat e tyre më të vegjël.
Sipas Universitetit, ky është studimi më i madh në histori sa i përket radhës së lindjes dhe personalitetit.
Megjithatë, për të gjithë ata që mund të ndihen xhelozë për vëllanë apo motrën e madhe, këto të dhëna ndikojnë shumë pak ose fare në familje.
Profesorët Brent Roberts dhe Rodica Damian, që drejtuan këtë punë shkencore, thanë se diferenca është statistikisht domethënëse, por e parëndësishme dhe se 1 pikë më shumë 1Q nuk ka ndikim domethënës në jetën e njerëzve