Shefi i Sektorit të Urbanizimit në Komunën e Gostivarit, Jeton Salija ftoi mërgimtarët që gjatë qëndrimit në vendlindje të përmbyllin lëndët e tyre për legalizimin e objekteve, për shkak se edhe afati përfundimtar skadon me mbarimin e këtij viti. “Ftojmë mërgimtarët ta shfrytëzojnë mundësinë që brenda kohës të përmbyllin lëndët dhe të kryejnë me legalizimin e objekteve”, tha Salija për Radio Vala.
Ai ftoi qytetarët të përmbyllin procesion e legalizimit, për shkak se edhe afati ligjor po afrohet. “U bëjmë thirrje të gjithë qytetarëve të Komunës së Gostivarit që aplikuan për legalizimin e objekteve të ndërtuara pa leje, ta shfrytëzojnë këtë mundësi ligjore për legalizimin e objekteve të tyre, dhe deri më 31 Dhjetor – 2015 të dorëzojnë elaboratet gjeodezike me qëllim që të legalizojnë objektet e ndërtuara pa leje në periudhat e më hershme”, vijoi Salija.
Një pjesë e konsiderueshme e kërkesave për rregullimin e statusit juridik te objekteve te ndërtuara pa leje, janë bërë nga ana e mërgimtarëve.
Nga fillimi i procesit të legalizimeve dhe deri më tani, nga gjithsej 8692 kërkesa të dorëzuara nga ana e qytetarëve për rregullimin e statusit juridik te objekteve te ndërtuara pa leje, vetëm 3150 lëndë janë përmbyllura me aktvendime të plotfuqishme dhe pronarët kanë fituar tapinë e objekteve të tyre.
Rreth 250 lëndë kanë konkluzion për të paguar legalizimin dhe për të përmbyll procesin e legalizimit, dhe janë 50 lëndë të cilat janë në fazën përfundimtare që kanë plotësuar kushtet dhe po përgatisin dokumentacionin teknik për tu përgatitet aktvendimi për legalizim.