Policia ka informata në lidhje me llojin e eksploziveve të cilat u shpërthyen në Kumanovë këtë fundjavë, konfirmoi sot ministri i punëve të brendshme, Mitko Çavkov, i cili mori pjesë në shkatërrimin e armëve dhe drogave të konfiskuara te fabrika “Jugohrom” në Jegunoc.
“Pas materialeve të konfiskuara për ekspertizë, ne tani kemi orientim për llojin e eksplozivit dhe për dëshmi dhe gjurmë të tjera të cilat mund të na ndihmojnë në identifikimin e autorëve në Kumanovë”, deklaroi Çavkov për hetimin e eksploziveve.
Pajisja eksplozive u aktivizua të shtunën në mëngjes, rreth orës 04:30, te tuneli që e lidh sheshin e qytetit me parkingun e një kompanisë private. Në shpërthimin nuk kishte viktima, por thyen disa dritare të ndërtesave përreth.
Ministri Çavkov shpalli hetim të plotë të shpërthimeve në Kumanovë.