Fotot e Giorgos Chatzifotiadis, 77 vjeç, që shpërtheu në lot përpara një banke në Selanik, bënë xhiron e botës.
Ai nuk kishte mund të tërhiqte pensionin e gruas së tij. Por nga ana tjetër e globit, për të erdhi një shpëtim, transmeton Ora News.
Një i pasur Australian ka vendosur ta ndihmojë atë. James Koufos, financier me origjinë greke, që jeton në Sidnej, tha për Daily Mail Australia që do të marrë një avion për në Greqi për të zgjidhur problemet e pensionistit.
Kur e pa 77-vjeçarin në internet, James e kishte njohur dhe bëhej fjalë për një ish-mik të babait të tij
Nëpërmjet një postimi në facebook James Koufos i ka bërë thirrje miqve të tij të facebook-ut apo mediave që të gjejnë pensionistin.
“I bëj thirrje të gjithë miqve të mi në facebook, biles edhe gazetarëve që shkruajtën për këtë njeri që të më ndihmojë ta gjej atë. Ky person është një ish-shok klase i babait tim. Do të paguaj pensionin e tij për 12 muaj. Do t’i japim 250 euro në javë. Nuk dua të shoh një njeri të ndershëm e punëtor të vdesë urie”.
