Përhapja e madhe e portaleve ka shtuar dinamikën e përcjelljes së lajmeve. Lajmet transmetohen nga njëri në tjetrin portal në mënyrën “copy paste” pa u vërtetuar informacioni që jepet në portalin paraprak.
Data dhe koha e publikimit: 25.07.2015
Data e recenzionit: 25.07.2015
Recenzent: Xhenis Sulimani
Materialin që e recensojmë është informacion që është përkthyer nga një portal në gjuhën maqedonase, bëhet fjalë për portalin “Libertas.mk” dhe siç thuhet është i bazuar në “burime partiake”. Lajmi është përkthyer dhe transmetuar në opinion por pa e vërtetuar të njëjtin. Liderët e VMRO-DPMNE-së, Nikolla Gruevski dhe i VMRO-Partisë Popullore, Lubço Georgievski pothuaj se janë marrë vesh që përsëri të bashkohen, thuhet në lajm duke u thirrur në burime të partisë së Georgievskit.
Në tekst sugjerohet se ka sinjale të përafrimit të Nikolla Gruevskit dhe Lubço Georgievskit por në asnjë moment nuk kemi prononcim se sa mund të jenë të vërteta tezat e parashtruara në këtë lajm. “Gjasat janë që javën e ardhshmë të shpallet koalicioni mes VMRO-DPMNE-së dhe VMRO-Popullores” thuhet në tekstin e transmetuar.
Standardet e gazetarisë kërkojnë që kur merret një informacion paraprak, dhe ai nuk ka burime, para se të botohet duhet të vërtetohet.
Në këtë rast do të duhej të kontaktoheshin partitë në fjalë.
Se jo secili informacion duhet të botohet vërteton reagimi i mënjëhershëm i Lubço Georgievskit kryetarit të VMRO-Popullores, i cili kategorikisht demantoi zërat se do të bashkohet me VMRO-DPMNE-në. “Unë nuk e di pse disa qarqe të LSDM-së e forcojnë këtë përrallë, por në këto njoftime nuk asnjë pikë të të vërtete. Unë me vite jam opozitar dhe do të mbes i tillë, që do të thotë se për disa çështje nuk do kem qëndrime të ndryshme nga LSDM. Kjo te askush nuk duhet të paraqes nervozë”, ka thënë Georgievski.
Informacioni i paverifikuar, duke mos marr përgjigje nga palët e përfshirë dhe botohet, dhe sidomos nëse ai më pas përgënjeshtrohet nga të përfshirët në tekst, krijon mos besueshmëri ndaj gazetarit dhe medies.