Filmi: 2001: A Space Odyssey
Regjisor: Stanley Kubrick
Filmi 2001: A Space Odyssey, i bazuar në librin me titullin e njëjtë të autorit Arthur C. Clarke, u bë në vitin 1968 dhe mori çmimin oskar për efekte vizuale.
Filmi 2001 është film abstrakt i cili flet për evolucionin e njeriut, teknologjinë, intelegjencën artificiale, dhe kufijtë njerëzore. Filmi është i ndarë në tre pjesë, ku pjesa e parë bën pjesë në kohë të lashta para kohës së njerëzimit, pjesa e dytë në vitin 2001 në gjithësi, ndërsa pjesa e tretë pas udhëtimit ndërplanetor të astronautit Bowman.
Filmi mban tituj të shumtë, dhe konsiderohet nga shumë kritikë dhe organizata si një prej filmave më të mirë në botë. Instituti Amerikan i Filmit (AFI) e përfshin 2001’in në 7 nga listat e tyre për filma më të mirë, dhe e mban atë në vend të parë në listën e filmave më të mirë të zhanrit “science fiction”.
Stanley Kubrick konsiderohet si një ndër regjisorët më të mëdhenj dhe me ndikim më të madh në industrinë dhe artin e filmit. Kubrick ka qenë resgjisor i filmve në zhanre të ndryshme të cilat i revolucionarizuan shumë aspekte të filmografisë, sidomos me filmin “2001: A Space Odyssey” për të cilin regjisori Steven Spielberg tha se ishte filmi që e krijoi bazën për filmat të zhanrit shkencoro-fantastik (sci-fi).
Kubrick po ashtu është i njohur për disa filma të tjerë, siç janë “The Shining”, “A Clockwork Orange”, “Full Metal Jacket”, dhe “Spartacus.”
Portalb ju rekomandon ta shihni këtë film dhe të tjerë nga Kubrick-u.
