Gjykata e Apelit në Shkup, nesër në një seancë publike do t’i shqyrtojë ankesat e ngritura nga të akuzuarit e rastit “Monstra” dhe avokatët e tyre.
NOVA nga burime të afërta me mbrojtjen merr vesh se mund që në gjykatë të jepen transkriptet nga bisedat e përgjuara që kanë të bëjnë me këtë rast për atë se nëse të akuzuarit e tanishëm janë fajtorët e vetëm të këtij rasti ose jo.
Nëse ndodh kjo gjë, shanset reale janë që avokatët të kërkojnë shtyrjen e seancën së nesërme publike për shkak të marrjes së dëshmive të reja para mbajtjes së seancës dhe me to, në rishqyrtim të rastit në shtator ta plotësojnë mbrojtjen.