RAPSODIT : S E V D I – M A L S I A !
Të nderuar miq, të dashur lexues, dhe ju adhurues të folklorit ,
Po, kush nuk i njeh e nuk ka dëgjuar për Rapsodët, i madh e vogël i duan ato, për ta kanë folur e shkruar që moti njerëzit e pendës.
E po, a ka kush që se njeh e që s’ka dëgjuar për rapsodin e dashturn Sevdi Malsia ?
Jo, nuk ka, këtë burë që siç më duket, duhet ti ketë mbërthyer të gjashtëdhjetat, e njeh shumë kush. Jeton në f. Trebosh, që moti i shpërngulur nga Malësia e Sharit.
Sevdiu, që në rini ,kureshtar për të mbledhur tekstet e këngëve folklorike, kurse zërin e bukur të falur nga madhëria e Zotit, dal nga dalë e bëri profesion.
Ky njeri ,inteligjent, pedant, me flokë të thinjura e tallaslije, duket i pashëm, i kanë hije edhe tirqit, plisi i bardhë e hijeshon edhe më shumë, çiftelia në dorë e bën të duket shidet.
Sevdi Malësia ,këngëtar me kulturë, këtë kur nuk mund ta dëgjosh të thotë ndonjë fjalë e mendim fyes për kolegët tjerë ,rapsod e këngëtarë, ai thotë secili këndon me talentin e tij që ia ka falur perëndia, unë të gjitha i dua.
Sevdiu ka bërë shumë projekte edhe në solo, por nuk është vetjak, zërin e tij mesatarisht të hollë e që del nga goja si plumbi nga tyta, gjatë karrierës në duet e ka akorduar edhe me këngëtar tjerë.
Shpesh e ka shoqëruar Bib Kosova , e Qamil Berisha, po edhe të tjerë.
Sevdi Malsia , i dashtun nga të gjithë ishte i simpatizuar dhe mik i mirë edhe me rapsodin e njohur të Kosovës tani më i ndjerë Augustin Uka. Po të mos ta harrojmë, Sevdiu i dashtun ka kënduar dhe është mik edhe me rapsodin Hashim Shala.
Sevdi Malsia, është inteligjent dhe ka një retorikë të spikatur, ai me kujdes ka mbajtur mend shumë histori e ndodhi që ka lexuar e ka mbajtur mend nëpër shumë oda e konaqe që ka rastisur.
I ka rastisur të këndoj edhe në shumë oda të burrave nëpër Kosovë, në Drenicë etj.
Rrjedhshëm i tregon, shumë ndodhi e histori të dëgjuara neper oda, në mënyrë simpatike rrëfen edhe shumë anekdota për këngëtarët, se çka u ka ndodhur atyre, kur ata e harrojnë tekstin, kur ata mbesin në rrugë e shumë gjëra tjera të lezetshme.
Sevdi Malsia, prezantoi si mysafir në shumë emisione ,të veçanta për rapsodët dhe folklorin, a ju kujtohet ,,Rreth oxhakut,, , te ,,Konaku,, në televizione lokale, nuk e di a ka prezantuar në ,,Rrënjët tona,, me Shkurten në Prishtinë apo diku në Shqypni.
Sevdi Malësia, mori dhe akoma po merr pjesë në gëzimet tona familjare ,me repertorin e tij të këndshëm, edhe me këngë të përpunuara nga ai dhe me shok tjerë të fushës.
Këndon edhe pak këngë lirike të këndshme me zërin e tij melankolik.
Por Sevdi Malsia , ka nderuar edhe deri më tani kombin e vet, i ka kënduar atij, ai nuk ka lënë binë pa shkelur ,kur ka qenë i ftuar për tu kënduar e përkujtuar heronjtë të lirisë e trimave të kombit, edhe atë nga Likova e Sllupçani e deri në Sellcë të Tetovës.
Të lumtë Sevdi Malësia, është i simpatizuar nga shumë njerëz.
Eh se ç’kam një shok unë, ai kushdo që të këndojë në konak ai bërtet ,prite prite Sevdi Malsia , e se ç’ju pikë në kokë ,që moti ,që kur e kishte dëgjue së pari herë, në një ndeje në Sallarevë të Malit të Thatë ku kishte ushtruar detyrën e daskallit. Gishtat e këtij rapsodi, në mënyrën shumë elegante lëvizin mbi telat e instrumenteve dhe nxjerrin zëra të bukur.
Ky rapsod luan në çifteli e sharki, më kanë thënë se ekzekuton në mënyrë brilante Violinën atë shum e do, me atë duket si amato i vërtetë.
Unë kam mik Adem Gashin nga Prishtina , po kush nuk e njeh këtë njeri, shkrimtar, poet i profilit të madh, a ju kujtohet tekstshkruajtës, ky e shkroi këngën që bëri bujë ,,Sërish vjen marsi,,, ky ka pendë të fort, shkoj shpesh në Prishtinë, do ta lus për një tekst për ta kënduar Ti, i dashuri Sevdi.
E po Sevdi Malësia, tu lumshin gishtat dhe Zoti ua ruajt zërin Ti dhe gjithë të tjerëve, sepse, RAPSODËT JANË SHPIRTI I NJË KOMBI !Kurse edhe miku im Sevdi Malsia, është një FLIUD I VOGËL I SHPIRTIT TË MADHË TË KOMBIT SHQIPTARË !
Ashtu siç na këndoni në gëzimet tona familjare, Paçi gëzime me mbar familjen gjithmonë në jetë, miku im i respektuar. Mezi se presim me shokët t’na del ndonjë sebep e ti me Dan Gllumovën t’mia thoni “Çka i ka thon Dema Kadrisë,,
Adhurimi i takon vetëm Zotit, por respekti dhe dashuria u takon edhe njerëzve që flasin me tela.
Mbajeni mend : Rapsodët janë shpirti i një kombi ! Faleminderit që të kam shok i nderuari MALSIA .