Prej sot e deri më 3 korrik, në hotelin “Drin” të Strugës do të mbahet universiteti i 16-të veror në Strugë, në organizim të ambasadës së Francës dhe institutit francez në Shkup.
Këtë vit do të ofrohen pesë module mësimore që do t’i udhëheqin trajnues të kualifikuar ndërsa i dedikohen arsimtarëve dhe profesorëve të gjuhës franceze nga Maqedonia dhe rajoni gjegjësisht Serbia, Kosova, Shqipëria, Sllovakia dhe Kroacia.
“Bëhet fjalë për një manifestim më të gjerë ku do të sigurohet trajnim për mbi 110 profesor të gjuhës franceze. Universiteti veror në Strugë me kalimin e kohës po fiton cilësi dhe për të ka interes të madh tek kuadri arsimor në vend dhe rajon” thonë nga instituti francez në Shkup.