Kryeministri italian, Matteo Renzi, ka kritikuar homologët në Bashkimin Evropian për mos bashkëpunimin e tyre në çështjen e refugjatëve, raporton Anadolu Agency (AA).
Në lidhje me politikat e përbashkëta për refugjatët mes liderëve të Europës pati mosmarrëveshje të thella.
Kryeministri italian, Matteo Renzi, në Samitin e BE-së i cili mblodhi liderët së bashku ka reaguar duke u shprehur se: “Nuk keni të drejtë të cilësoheni si europianë nëse nuk bini dakord për çështjen e 40 mijë refugjatëve. Nëse ky është ideali i juaj i Europës këtë mbajeni për veten tuaj. Ose ka një solidaritet në këtë mes ose mos na harxhoni kohën kot”.
Ndërsa në anën tjetër një shkaktar për rritjen e debateve mes anëtarëve ka qenë edhe propozimi i Komisionit të BE-së për vendosjen gradualisht brenda dy viteve të 40 mijë refugjatëve të cilët ndodhen në Greqi dhe Itali në vendet anëtare të tjera të BE-së.
Sipas informacioneve që kanë qarkulluar në media, në vend të dhënies së statusit së refugjatit ndaj azilkërkuesve Spanja ka propozuar që ato të dërgohen në vendet e tyre dhe të punohet mbi këto mekanizma.
Politika e emigracionit e BE-së në muajt e fundit po kritikohet në mënyrë intensive për arsyen se ka kaluar mbi 2 mijë numri i emigrantëve të cilët kanë humbur jetën në Mesdhe duke tentuar të kalojnë për në Europë.
Anëtarët e BE-së të cilët kanë rënë dakord në çështjen për ndihmën emergjente, ata ndahen në pikëpamjet për shpërndarjen në vendet anëtare të emigrantëve të cilët mbërrijnë në Greqi dhe Itali.