Forumi Rinor Islam – Dega në Kumanovë dhe shoqata edukative “Vllaznia” filluan me aktivitetet humanitare për muajin Ramazan 1436/2015.
Këto ditë u bë shpërndarja e parë e shportës së ramazanit. Shpërndarja u bë në Lagjen e Trimave në Kumanovë, ku 150 shporta u dhuruan për 40 familje nga kjo lagje. Aktivitetin e përcollën edhe mediat lokale.
Në mbrëmjen e së shtunës, këto dy shoqata, shtruan iftar për më shumë se 150 emigrantë të cilët po qëndrojnë në njërën nga xhamitë e qytetit. Iftari u shtrua në oborrin e xhamisë.
Poashtu, edhe Sektori i Femrës pranë FRI-së, në Kumanovë, në të njejtën ditë shpërndau shamija dhe gjësende të nevojshme higjienike për femrat e fëmijët.
Përndryshe, Forumi Rinor Islam – Dega në Kumanovë dhe shoqata edukative “Vllaznia” tashmë disa ditë me rradhë po përkujdesen për emigrantët duke iu ofruar ndihmë mjekësore, veshmbathje, mjete higjienike.
