Thaçi vizitë zyrtare në Norvegji

Zëvendëskryeministri i parë, Hashim Thaçi, njëherësh ministër i Jashtëm i Republikës së Kosovës, sot e nesër do të jetë në një vizitë zyrtare në Mbretërinë e Norvegjisë.

Gjatë qëndrimit dyditor në Oslo, zëvendëskryeministri Thaçi do të takohet me ministrin e Jashtëm të Norvegjisë, Børge Brende, me ministrin për Zonën Ekonomike Evropiane dhe për Çështje të BE-së, Vidar Helgesen, si dhe me anëtarët e Komisionit parlamentar për Punë të Jashtme dhe të Mbrojtjes të Norvegjisë në Stortinget.

Zëvendëskryeministri Thaçi do të shoqërohet edhe nga ministri i Integrimit Evropian, Bekim Çollaku.

Sipas një njoftimi nga Ministria e Punëve të Jashtme, Thaçi do të mbajë edhe një ligjëratë në Institutin Norvegjez për Marrëdhënie Ndërkombëtare, kurse në fund do të marrë pjesë në Forumin “Oslo 2015”.