Ardit Gjebrea mësohet se ka refuzuar një ofertë marramendëse për t’iu bashkuar kanalit Agon Channel.
Shifra zbulohet nga Aleksandër Frangaj, drejtori i përgjithshëm i TV Klan, televizion me të cilin Gjebrea ka kontratë për tashmë disa vite.
Ai i ka zbuluar shifrat në emisionin “Opinion”, ku mbrëmë është zhvilluar debat në lidhje me çështjen Francesco Beccheti dhe burimin e financimit të 40 milionë eurove për ngritjen e televizionit “Agon Channel”.
Pavarësisht ofertës marramendëse, ka qenë Gjebrea ai që ka refuzuar ofertën e biznesmenit italian, i cili tash akuzohet për shpëlarje parash.
Frangaj ka thënë se italiani i kishte bërë ofertë e ngjashme edhe Fatos Lubonjës, i cili në Tv Klan paguhej me 1.5 milionë lekë të vjetra në muaj.